WELCOME CLUB

Хээр талын шуранхай гэгддэг хөөмий , уртын дуу маань Хятад улсын соёлын өв гээд ЮНЕСКО-д бүртгэгдсэн байх юм. Бас өөр монгол дээл , морин хуурыг маань өөртөө хамаарах зүйл гээд бүртгүүлэх гээд шунахайрч байгаа нь нэгэнт хүмүүст тодорхой болоод байна. Ийм юм байж болох уу? Харсаар байгаад өөрийн гэх бахархал бүхнээ урд хөршийнхөө хорон санаатнуудад өгөөд алдах уу, өөрсдийн дуу хоолойгоо нэгтгэж чадах хирээрээ хамгаалж үлдэх үү гэдэг асуудал бидний өмнө тулаад ирлээ. Залуус аа бид монгол өв соёлоо ингэж Хятадын шунахай санаатнуудад алдчихаад юугаа монгол гэж гадаадын жуулчдад бахархаж таниулах вэ, юугаараа бид монгол манайд ирээч ээ гэж уриалан дуудах вэ? Манай улсын онцлог соёлыг гайхан бишрэхээр ирсэн жуулчдад бид энэ манай үндэсний хувцас хятад дээл , үндэсний хөгжмийн зэмсэг хятад морин хуур гээд зогсож байх уу? Юуны төлөө бид аялал жуулчлалыг монголд хөгжүүлнэ дэмжинэ гэж  сурч мэргэшиж байгаа билээ, бид л Монгол гэдэг нэрийг дэлхий дахинд таниулж байх ёстой хүмүүс шүү дээ. Тиймээс өөрсдийн өв соёлоо хамгаалж үлдэх талаар бүгд өөрийн дуу хоолойгоо нэгтгэж тэмцэхэд өөрийн чадах хэрээрээ идэвхитэй оролцъё гэж уриалмаар байна. Клубын удирдах зөвлөлийг ч мөн энэ тал дээр хүмүүсийн хийж буй үйл ажиллагаанд нэгдэж өөрийн сургуулиасаа эхлээд оюутан залуусыг энэ ажилд идэвхижүүлэхэд хүчин чармайлт гаргаач гэж хүсье! Дэлгэрэнгүй мэдээллийг доорхи холбоосноос  үзээрэй. http://mongolsoyol.blog.banjig.net/

Энэ миний монгол соёл гэж ам бардам хэлэхийн тулд өвөг дээдсийнхээ өв уламжлалыг хадгалж үлдэхийн төлөө нэгдэцгээе залуус аа

Цаг хугацаа хурдан юм аа, юу юугүй л арван жил өнгөрч шүү... Их сургуулийн төгсөх ангид орсон жилээ оюутнуудын идэвхи өөрсдийнх нь хөгжилд чухал гэдгийг жаахан ухаарсан юм шиг байгаа юм. Ер нь бол би нэгдүгээр ангид яажшуухан сурч байснаа их сайн санадаггүй юм, хоёрдугаар ангиасаа ангийн дарга болоод л нийгмийн идэвхи аймаар сэргэж, оюутны зөвлөл, клубуудын зөвлөл, оюутны холбоо, оюутан конгресс гээд л хаана л бол хаана гүйж явдаг болж, тэрний нөлөө орсон юм уу, аялал жуулчлалын ангийн оюутнууд өөрсдөө л их идэвхи зүтгэлтэй, санаачлагатай байвал амжилтанд хүрэхэд ойрхон байна гэж үзээд ангийн хэдэн нөхдийн хамт "Вэлком тү..." /Welcome to.../ /ардаа бас гурван цэгтэй шүү, юу ч байж болно гэсэн утгаар хийж байлаа/ клуыг байгуулж байсан нь саяхан шиг л санагдах юм. Тэгсэн тэр л цаг хугацаа тэртээ холд одож, бүхэл бүтэн арван жилийг үдсэн байдаг байна шүү.

Энэ клубыг би дан ганцаараа байгуулаад, аваад явсан хэрэг биш шүү... Санаачилсныг минь ажил хэрэг болгож, дэмжиж, тусалж, урам зоригтойгоор хийж бүтээхийн арвин их хүсэл мөрөөдөлтэй явсан сайхан найзууд маань ямагт хамт байсан тулдаа л энэ клуб хөл дээрээ босч, МУИС-ийн Оюутны холбооны дэргэд анх байгуулагдсан 67 клубын дундаас өөрийн үйл ажиллагаа, чиглэл зорилгын хувьд ялгаран чадсан юм. Өдгөө МУИС-ийн Орхон аймгийн салбар сургуулийн декан О.Отгонбаяр маань манай клубын бас нэг гол гүйдэг менежер байлаа. Хийж бүтээхийн оргилуун хүсэлдээ шатаж явсан Т.Тамир, н.Нармандах найзууд маань харин хэдийн тэнгэрийн оронд одчихож... Бид хамтдаа Цэцээ гүний явган аялал, МУИС-ийн оюутны шатрын аварга шалгаруулах тэмцээн, Аялал жуулчлалын ангийн оюутнуудын эрдэм шинжилгээний хурал зэрэг олон ажлын ард гарч, улам л сайхан ажлуудыг хийхсэн гэж мөрөөддөг байлаа.

Клуб байгуулагдсанаасаа хойш арван жилийг амжилт бүтээлтэйгээр угтаж байгаа нь бидний үүсгэсэн ажлыг үргэлжлүүлэн нэр төртэйгээр авч явсан МУИС-ийн аялал жуулчлалын ангийн үе үеийн оюутан залуусын хичээл зүтгэл, хөдөлмөр бүтээл шингэснийх юм. н.Хэрлэн гээд Хэнтий нутгийн жижигхэн бор залууд клубын тэргүүний нэр хүндтэй албаа хүлээлгэн өгч байлаа. Хэрлэн маань одоо Мобикомд ажиллаж байгаа сурагтай. Хэрлэнгийн дараа тэргүүн болсон Д.Амартүвшин маань одоо Англид докторантурт үргэлжлүүлэн суралцаж байна. 2002-2003 онд тэргүүнээр ажилласан Барсаа маань өдгөө Блэк айбэкс экспедишн ХХК-ийг байгуулаад маш амжилттай ажиллаж явна. Түүнээс залгамжилсан Булганбаяр маань Улаанбаатар их сургуульд багшилж байна. Тус клубтэй нэр холбож, оюутан цагаасаа идэвхи зүтгэлтэй ажилласан нь бидэнд бүгдэд нь ажлын туршлага, онол практикийн олон давуу талыг олгосон гэдэгт би одоо ч итгэлтэй байдаг юм.

МУИС-ийн аялал жуулчлалын ангийг төгссөн үе үеийн нийт төгсөгчид, мэргэжил нэгт андууд та бүхэндээ Welcome клуб байгуулагдсаны арван жилийн ойн мэндийг шинэ жилийн гал халуун мэндийн хамт хүргэж байгаадаа туйлын их баяр цэнгэлтэй байна. Та бүхэн сайхан баярлаарай.

Тийрэлтэт хөдөлгүүр үүссэн цагаасаа л аялал жуулчлалд хамгийн том үсрэлтийг бий болгосон билээ. Аялал жуулчлал өөрөө цаг хугацаа,мөнгө,эрсдэл зэргийг дагуулж байдаг ба Тийрэлтэт хөдөлгүүр бий болсноор цаг хугацааг хэмнэх сайхан боломж бий болсон.Тив хооронд зорьсон газарт нь хэдхэн цагийн дотор хүргээд өгдөг сайхан унаа. Энэ унааны хөгжил он цаг өнгөрөх тусам хурдацтай хөгжсөөр байгаа бөгөөд илүү хурдан,илүү тав тухтай, аюулгүй байдал зэрэг нь сайжирсаар байнаа.Би та бүхэнд аялал жуулчлалын шилдэгүүдийг танилцуулж байгаа билээ энэ удаад Эйр компаниудыг хэн хэнийхаа дээр гарсаныг танилцуулья.
"Дэлхийн шилдэг AIRLINES" цааш унших »

Тур Оператор гэж нэг сайхан байгууллага байнаа. Аяллыг хамгийн амархан болгоод өгдөг хэ хэ. Тур операторыг дотор нь 2 ангилна. Outbound tour operator,Inbound tour operator гэж, Ойлгоход амархан гадаадын орнууд руу жуулчин явуулдаг нь Outbound, Inbound нь эсрэгээрээ гаднаас жуулчин авдаг гээд л ойлгочиход болно. Тур оператор нь аялалтай холбоотой бүхий л зүйлсийг багц болгон мөн хэсэгчлэн худалдах ба байршуулах хэрэгсэл,онгоцны тийз, үзвэр үйлчилгээний захиалга,виз болон бусад бүхий л асуудалыг зохицуулж өгдөг байгууллага юм аа. Монголын улсын хувьд олон тур операторууд байдаг тэдгээрээс дурьдвал Juulchin world tours, Black Ibex, Selena Travel, Nomadic Expedition,Visit Mongolia, Ar Mongol travel, гэх мэт компаниуд амжилттай үйл ажиллагаагаа явуулж байна.Гадаадын нэгэн сайтаас жил бүр дэлхийн аялал жуулчлалын шилдэгүүдийг шалгаруулдаг ба дэлхийн шилдэг тур оператур, Эйрлайн,зочид буудал, амралт жуулчны бааз,үзвэр үйлчилгээ,жуулчдын сэтгэлд нийцсэн хот гэх мэт. Одоо та бүхэнд харин шилдэг тур опературуудыг танилцуулья.
"2008 оны Дэлхийн шилдэг тур операторууд" цааш унших »

Зочид буудал болон байршуулах хэрэгсэл нь аялал жуулчлалд хамгийн чухал зүйлсийн нэг яаах аргагүй мөн билээ.Зочид буудал нь сүлжээ болон хөгжиж ирснээр бизнесийн томоохон салбарын нэг болсон ба тэр хэмжээгээрээ ашиг орлого ихтэй байдаг. Дэлхийд бренд болж нэр хүндийг олж авсан томоохон зочид буудлын сүлжээнүүдийг танилцуулья.
"Дэлхийн шилдэг сүлжээ зочид буудлын компаниуд" цааш унших »

1998 онд МУИС-ийн Оюутны холбоо, Оюутан конгресс байгуулагдсаны дараа Оюутны клуб байгуулах ажлыг ихэд анхаарч дэмжиж эхэлсэн юм. Үнэхээр клуб гэдэг байгууллага бол Оюутны зөвлөл гэдэг хэт туйлширсан, дэмий байгууллагаас хамаагүй хэрэгтэй байсан юм, яагаад гэвэл оюутнууд цэвэр өөрсдийн хүсэл сонирхол, зорилгоор нэгдэж олон тийшээ хуйлрах бус чиглэсэн баримжаатай үйл ажиллагаа явуулах боломж нь клубт илүү байсан хэрэг л дээ. Ийм ч учраас тэр жил МУИС-ийн хэмжээнд би буруу санаагүй бол 67 клуб байгуулагдаж МУИСОХ-ын дэргэдэх Клубуудын зөвлөлийг байгуулж байлаа. Тэр жил байгуулагдсан олон клубээс одоо хэд нь байдаг бол? Тасралтгүй үйл ажиллагаа явуулж ирсэн нь хэд бол?

Цаг хугацааны шалгаралд үлдсэн цөөхөн клубын нэг нь манай клуб байх гэж бодож байна. Ямартай ч Аялал жуулчлалын ангийн оюутнуудын "Welcome" клуб энэ арван жилийн хугацаанд үйл ажиллагаагаа тасралтгүй явуулж иржээ. Энэ хугацаанд онож байгуулсан нь ч бий, алдаж гэнэдсэн нь ч бий байх аа. Гэхдээ алдасанаасаа оносон нь их байх гэдэгт итгэлтэй байна.

Клубын үе үеийн нийт гишүүд, дэмжигчдэдээ 10 жилийн ойн мэнд хүргэе.

2008.10.15 нд Японоос ирсэн оюутнууд болон багш нарт МУИС-ийн Аялал жуулчлалын ангийн хичээл болон сургалтын талаар ГГФ-ийн аялал жуулчлалын менежментийн багш Д.Энхжаргал танилцуулга хийж мөн Welcome клубын үйл ажиллагааны талаар клубын гишүүн Э.Мэнд-Амар илтгэл тавьсан. 2008.10.16 ний өдөр Улаанбаатар зочид буудалд форумын хүрээнд явагдсан оюутнуудын дундах илтгэлийн уралдаанд Монгол Японы төлөөлөгчид оролцсон ба АЖМ-ийн 3 ангийн оюутан В.Бөхбаяр мөн Б.Даваадэмбэрэл нар амжилттай оролцон АЖМ-ийн 4 ангийн Болортуяа түрүүлсэн.
"Зүүн хойд Азийн аялал жуулчлалын V форумд" цааш унших »

Зүүн азийн аялал жуулчлалын 5-р форумд оролцсон Японы Осака болон Токиогийн аялал жуулчлалын их сургуулийн оюутнуудыг хамруулсан Улаанбаатар хоттой танилцах аялал амжилттай болж өнгөрсөн.

Монгол Улсын Их Сургуулийн Аялал жуулчлалын менежментийн ангийн оюутнуудын WELCOME клуб 1998 онд байгуулагдсан МУИС-ийн хамгийн ууган клубуудын нэг бөгөөд энэ хугацаанд тасралтгүй үйл ажиллагаа явуулж ирсэн юм. Тус клубыг тухайн үеийн Аялал жуулчлалын 4-р ангийн оюутнууд санаачлан байгуулж, анхны тэргүүнээр Г.Баатарцоож /одоо МУИС-ийн багш/, дэд тэргүүнээр О.Отгонбаяр /одоо МУИС-ийн Орхон аймаг дахь салбар сургуулийн багш/ нар ажиллаж байв.
Үе үеийн тэргүүн:
1998-1999 Г.Баатарцоож
1999-2000 Хэрлэн

2000-2002 Д.Амартүвшин

2002-2003 Б.Барсболд

2003-2004 Б.Булганбаяр

2004-2006 Э.Ананд

2006-2007 О.Мөнхбилэг

2007 -2008 Г.Оргил-Эрдэнэ

Бидний амжилт:“Туриад – 2003” тэмцээнээс мөнгөн медаль “Оюутны универсиад 2003” наадмын мөнгөн медаль- МУИСОХ-ны дэргэдэх Клубуудын зөвлөлийн III, V симпозиумаас
“МУИС-ийн шилдэг клуб”-ээр шалгарсан, мөн 2007 оны “МУИС-ийн шилдэгийн шилдэг клуб”-ээр шалгарсан

Клубын зорилго:

- МУИСОХ, ОК, КЗ-н эрхэм зорилго, үйл ажиллагааны үндсэн чиглэлийг баримтлан, оюутнуудын олон талт ажлыг дэмжих, суралцах таатай орчныг бүрдүүлэхэд аялал жуулчлалын ангийн нийт оюутнуудын идэвх санаачилга, хэрэгцээ сонирхолыг дэмжин ажиллахад оршино.

Клуб нь зорилгодоо нийцүүлэн дараах чиглэлээр үйл ажиллагаа явуулдаг:
- Аялал жуулчлал ба байгаль хамгааллын чиглэлээр оюутан сурагчдад мэдээлэл өгөн тэдэнтэй санал солилцох
- Клубын бүх гишүүд болон нийт оюутнуудын нийтлэг эрх ашгийг хамгаалан тэдний хамтын ажиллагааг хөгжүүлэх, харилцан мэдээлэл, санал бодол, туршлага чөлөөтэй солилцох бололцоог бүрдүүлэх
- Аялал жуулчлал болон бусад салбарын эрдэмтэд, бизнесмэнүүдтэй хамтран эрдэм шинжилгээ, судалгааны ажил явуулан, уулзалт ярилцлага, зөвлөгөөн зохион байгуулах
- Дотоодын болон гадаадын бусад их дээд сургуулиуд, төрийн ба төрийн бус байгууллага, хувь хүмүүстэй холбоо тогтоож өргөн хүрээнд эрх тэгш хамтран ажиллах
- Аялал жуулчлал болон бусад чиглэлээр тэмцээн уралдаан санаачлах зохион байгуулах

Бүтэц бүрэлдэхүүн:

Хүндэт гишүүд:
- МУИС-н ГГФ-н багш доктор, профессор агсан Н.Жамсансүрэн
- МБАЖҮХ-н ерөнхийлөгч О.Бум-Ялагч
- Дэлхийн байгаль хамгаалах сангийн Монгол дахь төлөөлөгч Н.Бямбаа
- Дэлхийн адал явдалт аялал жуулчлалын байгууллагын ажилтан Andrew Schulz
- ХБНГУ-н доктор, профессор Walter. M
- МУИС-ийн ГГФ-ын багш, магистр Г.Баатарцоож
- МУИС-ийн Орхон аймаг дахь салбар сургуулийн багш магистр О.Отгонбаяр
- Хишиг морин отгийн захирал Б.Хишигбаяр

2008-2009 оны хичээлийн жилд Тэргүүн Х.Сайханбаяр, Дэд тэргүүн Х.Батбаатар нар ажиллаж байна. Удирдах зөвлөлийн гишүүд нь АЖМ-н 1-4-р ангиудаас сонгогдсон төлөөлөлөөс бүрдэнэ. Дэмжигч гишүүд нь АЖМ-н ангийн нийт оюутнууд байна. Одоогоор удирдах зөвлөл нь 10 гишүүнтэйгээр үйл ажиллагаагаа явуулж байна.

Дараах аялалуудыг жил бүр тогтмол зохион байгуулж байна:
- City tour
- Цэцээ гүний чиглэлд явган аялал
- Дугуйн аялал
- Эрдэнэт хоттой танилцах аялал
- БНХАУ руу хийх аялал
- Морин аялал